რატომ არის მნიშვნელოვანი: სამართალდამცავი უწყების განცხადებით, გამოძიებით დადგინდა, რომ ტაილანდში მდებარე ერთ-ერთი დასაქმების სააგენტო მათ სამ მოქალაქეს ბათუმში, სილამაზის სალონში, მასაჟისტის პოზიციაზე დასაქმებას დაჰპირდა.

  • მათივე ინფორმაციით, დაზარალებულებს თბილისის საერთაშორისო აეროპორტში დახვდა უცხო ქვეყნის მოქალაქე, რომელმაც, ნაცვლად ბათუმისა, ისინი მოტყუებით ჩაიყვანა ზესტაფონში, მოათავსა საცხოვრებელ სახლში, ჩამოართვა პასპორტები და დამოუკიდებლად გადაადგილების საშუალებას არ აძლევდა.
  • ბრალდებული მუქარითა და ფსიქოლოგიური ზეწოლით დაზარალებულებს ანაზღაურების სანაცვლოდ სექსუალური მომსახურების გაწევას აიძულებდა, ექსპლუატაციის გზით გამომუშავებული თანხის დიდ ნაწილს კი ისაკუთრებდა.

დეტალები: დანაშაული 12-დან 15 წლამდე თავისუფლების აღკვეთას ითვალისწინებს.

  • პროკურატურამ ბრალდებულისთვის პატიმრობის შეფარდების შუამდგომლობით სასამართლოს უკვე მიმართა.
  • სისხლის სამართლის საქმეზე გამოძიება გრძელდება.