რატომ არის მნიშვნელოვანი: სამართალდამცავი უწყების ცნობით, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით 55 პირი დააკავეს, მათ შორის 37 ნარკორეალიზატორია.

  • დანაშაულები 20 წლამდე ან უვადო თავისუფლების აღკვეთას ითვალისწინებს.

დეტალები: შინაგან საქმეთა სამინისტროს განცხადებით, დაკავებულები ნარკოტიკული საშუალებების გასაღების სქემებში იყვნენ ჩართულები.

  • კერძოდ, სხვადასხვა ინტერნეტ აპლიკაციისა და სოციალური ქსელების მეშვეობით კონკრეტულ ადგილებზე ათავსებდნენ ნარკოტიკულ საშუალებას, რასაც შესაბამისი აღნიშვნებითა და კოორდინატებით უგზავნიდნენ შეძენით დაინტერესებულ პირებს.
  • "პოლიციამ ნარკოდანაშაულის ბრალდებით დაკავებულების პირადი ჩხრეკისას მათ მიერ მითითებული ადგილებიდან, ასევე, პირადი, ავტომანქანებისა და საცხოვრებელი ბინების ჩხრეკის შედეგად, ნივთმტკიცებად ამოიღო განსაკუთრებით დიდი ოდენობით სხვადასხვა სახის ნარკოტიკული საშუალებები", — აცხადებენ უწყებაში.
  • ერთ-ერთი ბრალდებულისგან, ასევე, ამოღებულია ცეცხლსასროლი პისტოლეტი, ვაზნები და მჭიდები.
  • გამოძიება სსკ-ის 260-ე, 19-260-ე, 262-ე, 265-ე, 273 პრიმა, 19-273-ე პრიმა, 18-273-ე პრიმა და 236-ე მუხლებით მიმდინარეობს.