ალასკის ქალაქ გემბელში მცხოვრები მენდი ივორიგანი მეზობელ თემს სტუმრობდა, როცა მისი ძაღლი, ერთი წლის ავსტრალიური ნაგაზი, სახელად ნანუკი, მოულოდნელად სხვა ცუგასთან ერთად გაუჩინარდა.

ნანუკთან ერთად დაკარგული ცუგა რამდენიმე კვირის შემდეგ დაბრუნდა, თუმცა, ივორიგანის ძაღლის კვალი არსად ჩანდა.

ცუგოს გაუჩინარებიდან, დაახლოებით, ერთი თვის შემდეგ, გემბელიდან 241 კილომეტრით დაშორებულ პატარა ქალაქ უელსში მცხოვრებებმა ინტერნეტში დაკარგული ძაღლის ფოტოს გავრცელება და მისი პატრონის ძებნა დაიწყეს. ერთ-ერთ ასეთ პოსტს თვალი მოჰკრა ივორიგანის მამამ, რომელმაც შვილს სასწრაფოდ შეატყობინა ამბავი.

ივორიგანმა გაუქმებული ფეისბუქი მხოლოდ იმიტომ აღადგინა, რომ დაკარგული ძაღლის ფოტო ენახა. ეს კი ნამდვილად ღირდა — უელსში თურმე სწორედაც ნანუკი უნახავთ.

ზუსტად არავინ იცის, რატომ აღმოჩნდა ნანუკი უელსში, თუმცა, მისი პატრონი ვარაუდობს, რომ ცუგა მოძრავ ყინულზე მოჰყვა, გზააბნეულმა კი თავი კი სხვადასხვა ცხოველის ან ფრინველის მონადირებით გადაირჩინა.

საბოლოოდ, ნანუკი შინ მშვიდობით დაბრუნდა. ერთია — დაშავებული ფეხით, რადგან მისთვის გაურკვეველ ცხოველს უკბენია. ივორიგანმა ძაღლთან შეხვედრის კადრები გადაიღო კიდეც, სადაც მონატრებული მეგობრების ემოციებია აღბეჭდილი.