სამართალდამცავები, რომლებიც მალაიზიის სახელმწიფო საინვესტიციო ფონდის ძარცვის საქმეს იძიებენ ლეონარდო დიკაპრიომდეც მივიდნენ და ოსკარი წაართვეს.

2016 წელს, აშშ-ს იუსტიციის დეპარტამენტმა, საპროდიუსერო კომპანია Red Granite ზემოთხსენებული ფონდიდან მოპარული ნივთების გადაღებების დროს გამოყენებასა და მათ გასხვისებაში დაადანაშაულა.

როგორც სამართალდამცავები ამბობენ, ფილმში შესრულებული მთავარი როლისთვის, დიკაპრიოს კომპანიამ საჩუქრად ოსკარის ქანდაკება გადასცა, რომელიც, სინამდვილეში, 1954 წელს, მსახიობმა მარლონ ბრანდომ მიიღო და მალაიზიის სახელმწიფო საინვესტიციო ფონდს ეკუთვნოდა.

როგორც მსახიობის აგენტი ამბობს, დიკაპრიომ გამოძიებას სხვა ნივთებიც გადასცა, რომლებიც ასევე საჩუქრად სხვადასხვა საქველმოქმედო აუქციონის ორგანიზებისთვის მიიღო. მათ შორის არის ნახატები, ანტიკვარული ნივთები და ა.შ.

საერთო ჯამში, სხვადასხვა ადამიანების მიერ, ამ გამოძიების ფარგლებში, სამართალდამცავებისთვის გადაცემული ნივთების ღირებულება $100 მილიონია.