ეკოლოგია, გენდერი, ახალგაზრები და ბულინგი, სამხრეთ კავკასიის რეგიონალური კონტექსტი და აქტივიზმის გამოწვევები - ეს ის თემებია, რომლებზეც საქართველოს ახალგაზრდა მწვანეების მიერ ორგანიზებულ მწვანე ფესტივალზე ისაუბრებენ.

ფესტივალი, დედაენის ბაღში, 9 ივნისს 16:00 საათზე გაიხსნება და გასტანს 10 ივნისის დღის ბოლომდე. ორივე დღის განმავლობაში გაიმართება ლექციები, არაფორმალური დისკუსიები, პანელ-დისკუსიები, ვორქშოპები, წიგნის პრეზენტაციები, გამოფენა, ფილმის ჩვენება.

"მწვანე პოლიტიკური ფესტივალის ჩატარების მიზანია მნიშვნელოვანი სოციალური საკითხების საჯარო განხილვა, მწვანე ფასეულობების გავრცელება, ახალგაზრდების ჩართვა ქვეყნის პოლიტიკურ პროცესებში და საჯარო სივრცეებისთვის კრიტიკული ფუნქციის შეძენა. მწვანე პოლიტიკური ფესტივალი არის მცდელობა საზოგადოების სხვადასხვა ფენა გააერთიანოს სოციალური სამართლიანობის იდეის გარშემო, გაავრცელოს მწვანე ღირებულებები ახალგაზრდებში და არამარტო," - ამბობენ ახალგაზრდა მწვანეები.

წელს ფესტივალი მესამედ ტარდება და მას მთელი დღის განმავლობაში მოემსახურება Kiwi-Café Tbilisi და Bauhaus Bar.