მედიკამენტებზე რეფერენტული ფასები 15 თებერვლიდან ამოქმედდება.

რატომ არის მნიშვნელოვანი: მთავრობის ცნობით, ფარმაცევტულ კომპანიებს მედიკამენტების რეალიზაცია განსაზღვრულზე მეტ ფასად აღარ შეეძლებათ.

  • ცვლილება შეეხება ყველა კომპანიას, იმპორტიორს, დისტრიბუტორს თუ საცალო მოვაჭრეს.
  • თუმცა, ჯანდაცვის სამინისტრო დასაბუთებული არგუმენტის შემთხვევაში კონკრეტული მედიკამენტის ფასის კერძოდ განხილვის საშუალებასაც ტოვებს.

დეტალები: თავდაპირველად, რეფერენტული ფასი 1300-ზე მეტ ქრონიკულ და ონკოლოგიურ მედიკამენტს შეეხება.

  • მედიკამენტების ჩამონათვალი შეგიძლიათ იხილოთ ბმულზე.
  • "ყველა ქვეყნის გამოცდილება არის ის, რომ რეფერენტული ფასის დანერგვა გარკვეული მედიკამენტების ჯგუფზე ამცირებს მედიკამენტების ხარჯებს, მას მეტად ხელმისაწვდომს ხდის მოსახლეობისთვის, ზრდის მოსახლეობის კმაყოფილებას და აუმჯობესებს ჯანდაცვის გამოსავლებს", — განაცხადა ჯანდაცვის მინისტრის მოადგილემ.
  • სამინისტრო ეტაპობრივად ამ მექანიზმის სხვა მედიკამენტებზე გავრცელებასაც გეგმავს.