7 წლის პიტბულმა, რომელიც ბოლო პერიოდში აშშ-ის ძაღლების თავშესაფარში ცხოვრობდა, სახელი მხატვრობით გაითქვა. ძაღლების რინგის დროს ცუგამ ყურზე იმდენად მძიმე დაზიანება მიიღო, რომ მისი ამპუტაცია გახდა საჭირო. ხოლო მას შემდეგ, რაც ცუგას ხატვის ნიჭიც აღმოაჩნდა, მას ვან გოგი შეარქვეს.

7 წლის ვან გოგი, რომელიც ტილოზე საღებავებით ხატავს, უკვე არაერთი შედევრის ავტორია. მისი წარმატებული ნამუშევრები ონლაინ აუქციონზეც გაიყიდა. "ეს მართლაც მშვენიერია, რადგან ხალხი არა მხოლოდ ძაღლების გადარჩენას ცდილობს, არამედ მათ მხარსაც უჭერს. ჩვენი ვან გოგისთვის კი ხატვა დიდი შვება და სიამოვნებაა. ამის კეთება მას ძალიან სიამოვნებს", — განაცხადა ცხოველების თავშესაფრის წარმომადგენელმა.

@nowthis Van Gogh has lived with a foster family for months since first coming to @Happily Furever After Rescue — so the rescue held an art gallery full of pieces by Van Gogh himself to try and find him his fur-ever family 🎨🐶#rescue #dog #pup ♬ Soft And Soothing Background Music - u2m_studio

ცუგას პირველი გამოფენა თავშესაფარში მოაწყვეს, რომელსაც ძალიან ცოტა ადამიანი დაესწრო. ამიტომ გადაწყვიტეს, რომ ვან გოგის ნამუშევრები გასაყიდად ინტერნეტში განეთავსებინათ, რაც წარმატებული აღმოჩნდა. 7 წლის ცუგას ვიდეო ტიკტოკზე ვირუსულად გავრცელდა, ნამუშევრებიც გაიყიდა და ვან გოგი პოპულარული გახდა.

ტიკტოკის ვიდეოს შემდეგ ისეთი ადამიანებიც გამოჩნდნენ, რომლებსაც თავშესაფრიდან ვან გოგის სახლში წაყვანა და მასზე ზრუნვა სურდათ. მათ შორის ერთ-ერთი იყო ცუგას ახალი პატრონი ჯესიკა, რომელმაც პირობა დადო, რომ ვან გოგს ნამუშევრების ხატვაში ხელს შეუწყობდა. ასე რომ, ვან გოგი ახლა მზრუნველ ოჯახთან ერთად ცხოვრობს და მხატვრობასაც განაგრძობს.