2012 წელს, როცა კიმ კარდაშიანმა თავისი ახალი სუნამო წარადგინა, წითელ ხალიჩაზე მოდელს თავზე ფქვილი გადააყარეს. ამ ინციდენტის შესახებ თითქმის ყველა პოპულარულ მედიაში დაიწერა. ახლახან კი კიმის პიარის გუნდის ყოფილმა წევრმა განაცხადა, რომ ეს ყველაფერი დადგმული იყო.

საინტერესოა ის ფაქტი, რომ 2012-ში, ინციდენტის შემდეგ, კიმმა და კრის ჯენერმა ამ ყველაფრის შესახებ არაერთხელ იხუმრეს. თავდამსხმელი კი, რომელმაც კიმს თავზე ფქვილი დააყარა, დაიჭირეს კიდეც. თუმცა კიმმა თავდამსხმელ ქალს ბრალდება არ წაუყენა და ის მალევე გაათავისუფლეს.

კიმის პიარის გუნდის ყოფილი წევრის თქმით კი, ეს ყველაფერი მედიასთან ურთიერთობის გუნდმა დაგეგმა. მისი მტკიცებით, ფქვილის ინციდენტი იმისთვის მოიფიქრეს, რათა კიმის ახალი სუნამო პოპულარულ მედიებს სათაურში ეხსენებინათ. ეს მართლაც ასე მოხდა და გამომდინარე იქიდან, რომ ფქვილის ინციდენტი კიმის ახალი სუნამოს პრეზენტაციისას მოხდა, მოდელის ახალი პროდუქტის შესახებ ბევრმა ადამიანმა გაიგო.

ფოტო: Getty Images

"რატომ დადიან ფრჩხილის სალონში? იმიტომ, რომ იქ ცნობილი ადამიანები იკეთებენ ფრჩხილებს. რატომ ირჩევენ კონკრეტულ თვითმფრინავს? იმიტომ, რომ მათ გვერდით ცნობილი ადამიანი შეიძლება დაჯდეს. ან რატომ მიდიან კონკრეტულ რესტორანში? ეს ყველაფერი სტრატეგია", — დასძინა კიმის პიარის გუნდის ყოფილმა წევრმა, რომლის მტკიცებითაც, ფქვილის ინციდენტის მოწყობაზე კიმიც თანახმა იყო.