პარიზში, ნოტრ-დამის ეკლესიის მახლობლად, ნაჯახით შეიარაღებული პირი პოლიციელს თავს დაესხა. თავდამსხმელს პოლიციამ ცეცხლი გაუხსნა და ასე შეძლო მისი შეჩერება.

BBC-ის ინფორმაციით, თავდამსხმელი ყვიროდა "ეს სირიისთვის ხდება". ინციდენტის დროს, პარიზის ღვთისმშობლის ტაძარში ასობით ადამიანი იყო.

ოფიციალური პირების თქმით, ინციდენტი შესაძლოა ტერორიზმთან ყოფილიყო კავშირში.

პოლიციის ოფიცერი თავდასხმის შედეგად დაზიანებები აქვს, თუმცა არცერთი არაა სიცოცხლითვის საშიში. თავდამსხმელი კი გულ-მკერდის არეშია დაჭრილი.

2015 წლის ტერორისტული თავდასხმის შემდეგ, რომელსაც პარიზში 130 ადამიანი ემსხვერპლა, ქვეყანაში საგანგებო მდგომარეობაა გამოცხადებული.

საფრანგეთის შინაგან საქმეთა მინისტრის განცხადებით, თავდამსხმელს ალჟირელი სტუდენტის საიდენტიფიკაციო ბარათი ჰქონდა.