მას შემდეგ, რაც 2022 წლის მსოფლიო თასი არგენტინის ნაკრებმა მოიპოვა, მსოფლიო და საფეხბურთო სამყარო ლიონელ მესის ქება-დიდებაშია. საფეხბურთო სენსაციის გარდა, მესი ინსტაგრამის ვარსკვლავიც გახდა.

მესიმ ინსტაგრამზე არგენტინის გამარჯვების ამსახველი ფოტოები დაპოსტა. ფეხბურთელის პოსტს ინსტაგრამზე ყველაზე მეტი მოწონება აქვს — ამ დროისთვის 61 მილიონზე მეტი.

წინა რეკორდის მფლობელი არც მეტი, არც ნაკლები, კვერცხია. კვერცხის ფოტოს ამჟამად 56 მილიონზე მეტი მოწონება აქვს. კვერცხის ფოტო 2019 წელს დაიპოსტა. ფოტოს აღწერის მიხედვით, მისი მიზანი იმ დროისთვის რეკორდსმენი კაილი ჯენერის დამარცხება იყო, რომელსაც ფოტოზე 18 მილიონი მოწონება ჰქონდა.

ვნახოთ, როგორ უპასუხებს კვერცხი მესის გამოწვევას.