პეპსიმ ახალი კამპანია წამოიწყო და მომხმარებელს შემდეგი ონლაინ გამოწვევა შესთავაზა — თუ მათ გაზიან სასმელს რძესთან ერთად დალევენ, შეეძლებათ, საშობაოდ ფული მოიგონ.

"პეპსისა და რძის შეზავება დიდი ხანია, რაც პეპსის ფანების საიდუმლო ხრიკია", — განაცხადა ტოდ კაპლანმა, პეპსის მარკეტინგის უფროსმა სპეციალისტმა.

პეპსი ამ კანპანიას "ბინძური გაზიანი სასმლის" განშტოებას უწოდებს, რომელიც TikTok-ის პოპულარული ტრენდის სახელია და გაზიან სასმელს სიროფთან და კრემთან ერთად აზავებს.

"'ბინძური გაზიანი სასმლის' ტრენდის პოპულარობის ზრდასთან ერთად TikTok-ზე და ქვეყანაში, გადავწყვიტეთ, რომ პეპსის, რძისა და ნამცხვრების კომბინაცია, სახელად Pilk and Cookies, მშვენიერი გზაა არდადეგების აღსანიშნავად."

კამპანიის რეკლამისთვის პეპსიმ მსახიობი ლინდსი ლოჰანი მოიწვია, რომელიც ნეტფლიქსის საშობაო ფილმში Falling for Christmas მონაწილეობს.

TikTok-ის "ბინძური გაზიანი სასმლის" ტრენდი პოპულარული Gen-Z პოპვარსკვლავის ოლივია როდრიგოს დამსახურებით გახდა. მას შემდეგ, რაც ოლივიამ ინსტრაგრამზე "კოკტეილის" ფოტო დაპოსტა, ფანებსაც გაუჩნდათ სურვილი, ეს მიქსი ეცადათ.

ფოტო: OLIVIA RODRIGO / INSTAGRAM

ოლივიას ინსტაგრამპოსტის შემდეგ ეს უცნაური სასმელი, რომელიც ლაიმის წვენისგან, ცოტა კრემისგან, ცოტა ტკბილი სიროფისგან და პეპსისგან შედგებოდა, ძალიან პოპულარული გახდა და #dirtysoda ჰეშთეგი 700 000-ჯერ მაინც იყო გამოყენებული ტიკტოკზე.

ვნახოთ, როგორ მოეწონებათ ფანებს ახალი ტრენდი.