2022 წლის მსოფლიო თასის ჩემპიონატში გერმანიასა და იაპონიას შორის მატჩის დასრულების შემდეგ, გამარჯვებული იაპონიის ნაკრების გულშემატკივრებმა ზეიმისა და აღნიშვნის ნაცვლად სტადიონის დასუფთავება გადაწყვიტეს.

ფოტო: BBC

მიუხედავად იმისა, რომ მსოფლიო მათმა ქმედებებმა სასიამოვნოდ გააოცა, თავად იაპონური კულტურის მემკვიდრეებისთვის ამაში გასაკვირი არაფერი ყოფილა — სისუფთავის შენარჩუნება მათ საზოგადოებაში ძალიან მნიშვნელოვანია და ამას ბავშვობიდან უნერგავენ იაპონელ სკოლის მოსწავლეებს.

BBC Sport-მა ტვიტერის ანგარიშზე ღიად გამოხატა აღფრთოვანება იაპონელი გულშემატკივრების მიმართ და განაცხადა: "ეს იაპონელი ფანებისგან სამაგალითო საქციელია. სტადიონის დასუფთავება გერმანელებთან თამაშის შემდეგ."

სოციოლოგიის პროფესორის, სკოტ ნორთის, თქმით, თავიანთი დალაგებისა და სისუფთავის კულტურით იაპონელები ძალიან ამაყობენ.

"ფეხბურთის მატჩის შემდეგ სტადიონის დასუფთავება სკოლაში შესწავლილი ღირებულებების ქმედითი დემონსტრაციაა. იაპონელი ბავშვები სკოლაშიც ასუფთავებენ თავიანთ საკლასო ოთახებსა და დერეფნებს," — განაცხადა სკოტ ნორთმა.