სხვანაძე: ჩვენი პოზიციაა, რომ ნაკრების ფეხბურთელი რუსეთის ჩემპიონატში არ უნდა თამაშობდეს

16 Sep. 2022, 11:42

მინდა შევეხო ლუკა გაგნიძის თემას. პირველი და რაც აუცილებლად უნდა აღინიშნოს ეს არის ჩვენი მყარი პოზიცია — როდესაც ვლაპარაკობ ჩვენ, ამ შემთხვევაში ვგულისხმობ, როგორც პირადად ჩემს აზრს, ასევე, მთლიანად ფეხბურთის ფედერაციის აზრს, რომ საქართველოს ნაკრების ფეხბურთელი, არამარტო ლუკა, არამედ ნებისმიერი ფეხბურთელი რუსეთის ჩემპიონატში არ უნდა თამაშობდეს, იმ რეალობიდან გამომდინარე, რომელიც გვაქვს დღეს ჩვენ. ეს არის ჩვენი მყარი და ურყევი პოზიცია.

თვითონ სპორტულ მიმართულებას რაც შეეხება, იგივე ლუკასთან მიმართებაში, ეს არ არის მარტო ჩემი აზრი, ის არის ჩვენთვის ერთ-ერთი იმედის მომცემი ფეხბურთელი, რომელიც მომავალში არამარტო საქართველოს ნაკრებს, არამედ მთლიანად ქართულ ფეხბურთს უნდა გამოადგეს. ჩვენ გვქონდა მასთან კომუნიკაცია, ფეხბურთის ფედერაციის მესვეურებსაც ჰქონდათ მასთან კომუნიკაცია, ამიტომ მან იცის ჩვენი პოზიცია, მან იცის ჩვენი მიდგომის შესახებ ამ საკითხის მიმართ. ჩვენ მოვისმინეთ ფეხბურთელის პოზიციაც და საბოლოოდ გადაწყვეტილება მივიღეთ, რომ ის ამ შეკრებაზე ჩვენთან ერთად იქნება და პირველი მოტივი, რის გამოც ის ჩვენთან ერთად იქნება არის ის, რომ მან რაც შეიძლება მალე იპოვოს ის მომავალი, რომელიც უკავშირდება ევროპას და რომელიც ასე საჭიროა მისი განვითარებისთვის.

ბოლო ამბები:

რამაზ სვანიძე სხვანაძე: ჩვენი პოზიციაა, რომ ნაკრების ფეხბურთელი რუსეთის ჩემპიონატში არ უნდა თამაშობდეს

კომენტარები

კვირის ტოპ-5

გირჩევთ

ახლა კითხულობენ

მთვარეზე ასტრონავტების გაშვება მარტისთვის გადაიდო — რა გახდა ამის მიზეზი