დედოფალი ელიზაბეთ II დღეს, 8 სექტემბერს გარდაიცვალა.

რატომ არის მნიშვნელოვანი: სხვადასხვა ქვეყნის ლიდერები, პრეზიდენტები და მსოფლიო დონის პოლიტიკური ფიგურები დედოფლის გარდაცვალების გარდაცვალების გამო სამძიმარს გამოთქვამენ.

• ელიზაბეთ II დიდი ბრიტანეთისა და ჩრდილოეთ ირლანდიის გაერთიანებული სამეფოს დედოფალი მას შემდეგ გახდა, რაც 1952 წელს მამამისი, ჯორჯ VI გარდაიცვალა.

ლიზ ტრასი: ბრიტანეთის პრემიერმინისტრმა დედოფლის გარდაცვალების შემდეგ ბრიფინგი გამართა, სადაც თქვა, რომ ელიზაბეთ II იყო კლდე, რომელზეც თანამედროვე ბრიტანეთი აშენდა.

• "ჩვენი ქვეყანა გაიზარდა და აყვავდა მისი მეფობის დროს. დიდი ბრიტანეთი მისი წყალობით დღეს არის უდიდესი ქვეყანა".

ბორის ჯონსონი: ბრიტანეთის ყოფილი პრემიერმინისტრი კი წერს, რომ ეს "ქვეყნის ყველაზე სევდიანი დღეა".

• "თითოეული ჩვენგანის გულში არის ტკივილი ჩვენი დედოფლის გარდაცვალების გამო, ღრმა და პირადი დანაკარგის გრძნობა — ბევრად უფრო ძლიერი, ალბათ, ვიდრე ველოდით"

საქართველო: პრეზიდენტი სალომე ზურაბიშვილი წერს, რომ მისმა უდიდებულესობამ დედოფალმა ელიზაბეთ II-მ იცხოვრა თავისი ხალხის, მისი ერისა და თანამეგობრობისადმი ერთგულებით.

• სამძიმარი გამოუცხადა სამეფო ოჯახს პრემიერმინისტრმა ირაკლი ღარიბაშვილმაც, ასევე პარლამენტის თავმჯდომარემ, შალვა პაპუაშვილმა.

ჯო ბაიდენი: აშშ-ის პრეზიდენტმა და პირველმა ლედიმ გამოაქვეყნეს განცხადება დედოფალ ელიზაბეთ II-ის გარდაცვალების შესახებ — "მუდმივი ყოფნა და კომფორტისა და სიამაყის წყარო თაობებისთვის".

• "მისი უდიდებულესობა დედოფალი ელიზაბეთ II უფრო მეტი იყო, ვიდრე მონარქი. მან განსაზღვრა ეპოქა".

იენს სტოლტენბერგი: წერს, რომ ღრმადაა დამწუხრებული და ამბობს, რომ 70 წელზე მეტი ხნის განმავლობაში დედოფალი იყო თავდაუზოგავი ლიდერის მაგალითი.

ემანუელ მაკრონი: საფრანგეთის პრეზიდენტი წერს, რომ მისი ელიზაბეთ II განასახიერებდა ბრიტანელი ერის უწყვეტობასა და ერთიანობას 70 წელზე მეტი ხნის განმავლობაში.

ჯოზეფ ბორელი: აღნიშნავს, რომ დედოფალი აკონტროლებდა მე-20 და 21-ე საუკუნეების მთავარ მოვლენებს. მისი თქმით, ევროკავშირი პატივს სცემს მის უნიკალურ წვლილს მშვიდობის მშენებლობაში.

• "მიუხედავად იმისა, რომ მისი დაკარგვა იგრძნობა მთელ მსოფლიოში, ჩვენი უშუალო აზრები მის ოჯახთან და გაერთიანებული სამეფოს ხალხთანაა".

შარლ მიშელი: საუბრობს, რომ მისი აზრები სამეფო ოჯახთან და ყველა მათთანაა, ვინც გლოვობს დედოფალ ელიზაბეტ II-ს დიდ ბრიტანეთში და მთელ მსოფლიოში.

რობერტა მეცოლა: ევროპარლამენტის პრეზიდენტი აღნიშნავს, რომ ცოტამ თუ ჩამოაყალიბა გლობალური ისტორია ისე, როგორც დედოფალმა.

ვოლოდიმირ ზელენსკი: უკრაინის პრეზიდენტი წერს, რომ ხალხის სახელით გულწრფელ სამძიმარს უცხადებენ სამეფო ოჯახს.

• "ჩვენი აზრები და ლოცვები თქვენთანაა", — წერს ის.

ჯასტინ ტრუდო: კანადის პრემიერმინისტრმა თქვა, რომ მძიმე გულით შეიტყო დედოფლის გარდაცვალების შესახებ.