აგვისტოს დასაწყისიდან მოყოლებული Apple-ის (AAPL) აქციები ფასი ტენდენციურად იზრდება. შემდეგ საგრძნობლად დაიწყო კლება, თუმცა, ბოლო რამდენიმე დღეა კვლავ იმატებს. ამჟამად ერთი აქციის ფასი $165-ის ფარგლებში მერყეობს.

ანალიტიკოსები და ინვესტორები ტენდენციური მატების მთავარ მიზეზად iPhone 14-ის გამოშვებას და Apple-ის საპრეზენტაციო ღონისძიება Far Out-ს ასახელებენ. Far Out ღონისძიება 7 სექტემბერს ჩატარდება. IBD Stock Checkup-ის მიხედვით, Apple-ს IBD Composite რეიტინგი 99-დან 91 აქვს, რაც ერთ-ერთი საუკეთესოა.

IBD Composite Rating ტექნიკური და ფუნდამენტური ანალიზის საზომების ერთობლიობაა, რომელიც ინვესტორებს ეხმარება, გაიგონ კომპანიის და მისი აქციის მედეგობა.

რეიტინგის და მომხმარებლებისა და ინვესტორების მოლიდინების გამო, Apple-ის მენეჯერებმა გადაწყვიტეს, რომ iPhone 14-ის ნაწილების დაგეგმილი შესყიდვები თითქმის 25%-ით გაეზარდათ. ეს კიდევ ერთხელ ადასტურებს, რომ ახალი მოდელის iPhone-ის გაყიდვები გაცილებით მეტი იქნება, ვიდრე iPhone 13-ის ყველა სახეობისა ერთად. ამის მიზეზი ჩინეთის ბაზარზე წილის ზრდაა.

Apple-ის აქციების ზრდა მესამე კვარტალში მოსალოდნელზე უკეთესი შედეგების ანგარიშის გამოქვეყნების შემდეგ დაიწყო. iPhone-ის გაყიდვებისა და Apple-ის სერვისების გაყიდვებით მიღებულმა მაღალმა შემოსავალმა განაპირობა კომპანიის საინვესტიციო ნდობა მის ფისკალურ მესამე კვარტალში, რომელიც 25 ივნისს დასრულდა.

ფაქტობრივად, ფორმირების პროცესშია Apple-ის (AAPL) აქციის ყიდვის ახალი ტალღის წერტილი, რომელიც ჯერჯერობით $177-ის ფარგლებში მერყეობს, თუმცა, ანალიტიკოსები ვარაუდობენ, რომ ეს წერტილი კიდევ აიწევს, რადგან ინვესტორები 7 სექტემბრამდე უფრო მეტ აქციას იყიდიან.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.