ამ წუთებში თბილისში, მთავრობის კანცელარიასთან, ლგბტ აქტივისტები და მათი მხარდამჭერები ძალადობის წინააღმდეგ აქციას მართავენ. პარალელურად, რუსთაველის გამზირზე იმართება სასულიერო პირთა აქცია ოჯახის სიმტკიცის დღის აღსანიშნად. აქციას კანცელარიასთან გაძლიერებულად იცავს პოლიცია.

17 მაისს მთელ მსოფლიოში ჰომოფობიასთან ბრძოლის საერთაშორისო დღეს აღნიშნავენ, თუმცა მას შემდეგ, რაც 2013 წლის 17 მაისს თბილისში ჰომოფობიის წინააღმდეგ გამართული აქცია სასულიერო პირებმა და მათმა მხარდამჭერებმა დისკრიმინაციული მოტივებით დაარბიეს, ილია მეორის ინიციატივით, 17 მაისი საქართველოში ოჯახის სიმტკიცის დღედ გამოცხადდა. სწორედ ამიტომ, ამ დღეს სასულიერო პირები მართავენ მსვლელობას ხატებით მრევლთან ერთად.