7 წლის მესაია ბრაუნი საცხოვრებელი კომპლექსის აუზში ცურავდა, როცა შენიშნა, თუ როგორ ეშვებოდა 3 წლის ბავშვი აუზის ფსკერისკენ. მესაიამ 9 წლის ნათესავს, სავანას, უთხრა, რომ აუზის სიღრმეში თვალებგახელილი და პირღია ბავშვი დაინახა. სავანამ უთხრა, ბავშვი ამოეყვანა და მესაიაც ასე მოიქცა. ამის შემდეგ ბავშვებმა უფროსებს დაუძახეს.

ბავშვის ამოყვანის შემდეგ უფროსებმა პატარას ხელოვნური სუნთქვა ჩაუტარეს და ექიმები გამოიძახეს. საავადმყოფოში გადაყვანილი ბავშვი გადარჩა და უკვე გამოჯანმრთელების გზაზეა.

"აუზში ვთამაშობდი, შემდეგ ფსკერზე ბიჭი დავინახე. ჩავედი და ამოვიყვანე. სავანამ ის დედამისს წაუყვანა და ხელოვნური სუნთქვა ჩაუტარეს, შემდეგ ექიმს დაუძახეს", — იხსენებს მესაია.

მესაიას მამის თქმით, მართალია, მისი შვილი უკვე რამდენიმე წელია, ცურავს, თუმცა მისმა საქციელმა მაინც გააოცა: "ის კარგი ბავშვია".