2017 წლის 14 ნოემბერს, ამერიკელი მწერლის, ენდი უირის ახალი რომანი, არტემისი, გამოვა.

უირი საზოგადოებამ მისი სადებიუტო რომანით, მარსელით, გაიცნო. პირველ ნაწარმოებში სიუჟეტი მარსზე, ასტრონავტი მარკ უოტნის გარშემო ვითარდება, რომელიც წითელ პლანეტაზე მარტო დარჩება და ვიდრე გადარჩენის მისია ჩააკითხავს, პლანეტის დაუნდობელი გარემოს წინააღმდეგ ბრძოლას ცდილობს.

ახალი რომანიც სამეცნიერო ფანტასტიკა იქნება, თუმცა, ამ შემთხვევაში, სიუჟეტი დედამიწასთან უფრო ახლოს, მთვარეზე ვითარდება. მთავარი გმირი ჟასმინ ბაშარა, მეტსახელად ჯაზი, მთვარეზე არსებულ პატარა ქალაქ არტემისში ცხოვრობს და უკეთეს მომავალზე ოცნებობს.

უირის თქმით, ახალი რომანი უფრო მეტად პერსონაჟზე იქნება ორიენტირებული, თუმცა მისთვის ჩვეულ მეცნიერულად გამართულ და ზუსტ სამყაროსა და დილემებს აქაც ვნახავთ.

წიგნის ეკრანიზაციის უფლება უკვე შეისყიდა 20th Century Fox-მა.

უირის პირველი რომანი ქართულადაც არის ნათარგმნი და უნდა ვივარაუდოთ, რომ ინგლისურ ენაზე გამოცემიდან რამდენიმე თვეში, ჩვენს წიგნის მაღაზიებში მეორე რომანის თარგმანსაც ვიხილავთ.