მას შემდეგ, რაც ქართული ოცნების თავმჯდომარემ, ირაკლი კობახიძემ დავით და ლევან ბერძენიშვილები პარლამენტის პლენარულ სხდომაზე შეურაცხმყოფელად მოიხსენია, რესპუბლიკური პარტიის წევრმა ის დებატებში მიიწვია.

"გადავცეთ ირაკლი კობახიძეს, გამობრძანდეს დარბაზიდან, დადგეს აქ და ვიდებატოთ საჯაროდ, ყველა ტელევიზია, ვინც დაინტერესებულია, ამას ჩართავს. ერეკლე მეორეზე, ევროკავშირის კანდიდატურაზეც [...] ჩემთვის კობახიძე, მდინარაძე, ესენი არიან მედროვე ადამიანები, რომლებიც პოლიტიკაში შემოვიდნენ მხოლოდ და მხოლოდ სახელისუფლებო პარტიით", — განაცხადა მან.

ბერძენიშვილის თქმით, ქართული ოცნების წევრების დღევანდელი განცხადებები ძალადობისკენ მოწოდებაა.

გუშინ, 6 ივნისს რესპუბლიკური პარტიის ლიდერებს დავით ბერძენიშვილსა და ხათუნა სამნიძეს თავს დაესხნენ. როგორც ბერძენიშვილმა ჟურნალისტებს უთხრა, ერთ-ერთმა თავდამსხმელმა თქვა — "შენ და შენი ძმა, ჩვენს წმინდას როგორ აგინებთ".

თავდასხმიდან მეორე დღეს ქართული ოცნების თავმჯდომარემ, ირაკლი კობახიძემ პარლამენტში პლენარულ სხდომაზე თქვა, თითქოს ხორციელდება "შეტევა ეროვნულ იდენტობაზე". მისი აზრით, ძმებ ბერძენიშვილებს აქვთ "ზიზღი ქართველი ხალხისა და ქვეყნის მიმართ".

ამავე თემაზე: