იმ ადამიანების შეფასებით, რომლებსაც აშშ-ის ჯანდაცვის სისტემასთან ხშირი შეხება აქვთ, ექიმთან ვიზიტი სხვა ქვეყნებთან შედარებით გაცილებით ძვირია. კერძოდ, სტომატოლოგთან ვიზიტი ყველაზე უფრო ძვირი ჯდება, რადგან ჯანმრთელობის დაზღვევის რეგულარული გეგმა ამ მომსახურებას არ ანაზღაურებს. სწორედ ასეთი მაღალი ფასების გამო, ერთმა ამერიკელმა ქალმა გაცილებით უფრო კრეატიული გამოსავალი იპოვა.

მას შემდეგ, რაც ამერიკელმა ტიკტოკერმა ქალმა გაიგო, რომ კბილის დაბჟენა 3000 დოლარზე მეტი დაუჯდებოდა, მან ამ მომსახურების მისაღებად თურქეთში წასვლა გადაწყვიტა. ტიკტოკერი ქალი მთელი მოგზაურობის განმავლობაში ვიდეოების საშუალებით თავის გულშემატკივრებს სიახლეებს აცნობდა და ბევრის მოწონებაც დაიმსახურა.

@asdeliadoes My dentist wanted $3099 for a root canal so I booked a week in Turkey to get it done here! Came to less than $1200. So I get a root canal and a holiday now 😂🇹🇷❤️ #turkey #lastminutetrip #manifestation #dental #kusidasi #graitude ♬ original sound - Delia O'Malley

ამერიკელი ქალის გამოთვლებით, თურქეთში გაფრენა, ცხოვრება და თურქ სტომატოლოგთან კბილის დაბჟენა უფრო იაფი დაუჯდებოდა, ვიდრე აშშ-ის რომელიმე კლინიკაში იგივე პრობლემაზე მკურნალობა.

როგორც ჩანს, ქალი არ შემცდარა და თურქეთში მისი ვიზიტი გაცილებით იაფი დაჯდა. ქალმა ფრენაში 807 დოლარი გადაიხადა, სასტუმროში 200 დოლარი, ხოლო თურქი სტომატოლოგის მომსახურებაში 160 დოლარი. ჯამში ეს 1167 დოლარია და გაცილებით ნაკლებია, ვიდრე 3099 დოლარი.

ფოტო: TikTok


ტიკტოკერი ქალი ერთადერთი არ არის, ვინც კბილების სამკურნალოდ ასეთი კრეატიული გადაწყვეტილება მიიღო. "სტომატოლოგიური ტურიზმი" ცნობილი ფენომენია და იმ ადამიანების მოგზაურობას გულისხმობს, რომლებიც ცდილობენ, რომ თავიანთ ქვეყანაში კბილის მკურნალობისთვის დაწესებულ ძალიან მაღალ ფასებს თავი აარიდონ.

ფოტო: TikTo

ამ მხრივ, ამერიკელებისთვის ყველაზე პოპულარული ადგილი მექსიკაა, რომელშიც სტომატოლოგიური მომსახურება 80%-ით იაფი ღირს. ამერიკელების გარდა, ბრიტანელები და ირლანდიელებიც ხშირად მოგზაურობენ სტომატოლოგიური მომსახურების მისაღებად აღმოსავლეთ ევროპაში, ინდოეთსა და იმ ქვეყნებში, სადაც ეს ყველაფერი გაცილებით იაფი ჯდება.