საფონდო ბირჟებზე არსებული კომპანიების აქციების ფასების მკვეთრი ცვლილება ბევრ საცალო ინვესტორს გაურკვეველ ვითარებაში აგდებს. თუმცა, Evercore-ის მმართველი დირექტორი — ჯულიან ემანუელი ამბობს, რომ ინვესტირებისთვის ხელსაყრელი დრო სწორედ ახლაა.

მისი თქმით, ჯანსაღი საკრედიტო ბაზრების გამო ეკონომიკა არსებულ რეცესიას თავიდან აიცილებს. მისივე შეფასებით, S&P 500 მიმდინარე წლის ბოლომდე 4 800-იან ნიშნულს მიაღწევს, რაც 22%-ით ზრდის პროგნოზს ნიშნავს.

S&P 500-ის ინდექსმა მკვეთრი ვარდნა მიმდინარე წლის მარტიდან დაიწყო. ბოლო ორი თვის ჭრილში ის დაახლოებით 14%-ით არის შემცირებული. ინდექსმა საკუთარ მაქსიმალურ მაჩვენებელს 2021 წლის დეკემბერში მიაღწია.

ემანუელი ამბობს, რომ საცალო ინვესტორები აქციებს მაშინ მიუბრუნდებიან, როდესაც ინფლაცია პიკს მიაღწევს. მისი თქმით ეს მიმდინარე წლის ზაფხულში უნდა მოხდეს. ექსპერტების შეფასებით, კაპიტალის ბაზრისთვის ყველაზე მეტად ხელსაყრელი გარემო სწორედ მაშინ არის, როდესაც გარშემო ყველაფერი უარესდება.

Evercore-ის მმართველი დირექტორი ამბობს, რომ გრძელვადიან პერიოდში ზრდის სტაბილურ პერსპექტივას ჯანდაცვის სექტორში ხედავს. ამასთან, მისივე შეფასებით, სამომავლოდ ფინანსური და წარმოების სექტორების ზრდა იქნება მოსალოდნელი.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.