ირპენის მერის განცხადებით, რუსი ოკუპანტები ადგილობრივებს განსაკუთრებული სისასტიკით ექცეოდნენ. უკრაინული მედია ავრცელებს მერის, ალექსანდრ მარკუშინის განცხადებას, სადაც ის ამბობს, რომ ოკუპანტებმა დაცხრილეს ქალები, რის შემდეგაც მათ ცხედრებს ტანკებით გადაუარეს.

"ძალიან ბევრი ადამიანი დაიღუპა მათი ნაღმებისგან და მათი სროლებისას. ძალიან ბევრი რაშისტებმა დახვრიტეს. პუშკინისა და ლერმონტოვის ქუჩაზე მათ დახვრიტეს გოგოები და ქალები, შემდეგ კი გადაუარეს ტანკით", — განაცხადა მან.

მას შემდეგ, რაც ქალაქებისა და დასახლებების ნაწილზე უკრაინულმა ჯარებმა კონტროლი დაიბრუნეს, ვრცელდება, როგორც ადგილობრივი, ასევე, საერთაშოროსი მედიების გადაღებული ფოტო-ვიდეო მასალა, სადაც ჩანს, რომ ქუჩებში ადამიანების ცხედრებია, მათ ნაწილს ხელები აქვს შეკრული.

ამავე თემაზე:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში