Youtube-მა Russia Today-სა და სხვა რუსული არხებს რეკლამით თანხის გამომუშავებას აუკრძალა. კომპანიის სპიკერის განცხადებით, ეს არხები რეკომენდაციებშიც ნაკლებად გამოჩნდება.

მან, ასევე, აღნიშნა, რომ RT და სხვა რამდენიმე რუსული არხი უკრაინის მთავრობის მოთხოვნის გამო უკრაინაში ხელმისაწვდომი აღარ იქნება.

კომპანიის განმარტებით, "უჩვეულო გარემოებებიდან" გამომდინარე, რამდენიმე არხს მონეტიზაციის შესაძლებლობას უჩერებს, მათ შორისაა, ისეთი რუსული არხები, რომლებსაც ევროკავშირმა სანქციები დაუწესა.

შეგახსენებთ, რომ RT-ს ხელმძღვანელი, ცნობილი პროპაგანდისტი მარგარიტა სიმონიანი, ევროკავშირის სანქცირებულ პირთა სიაშია. ევროკავშირმა მას რუსული პროპაგანდის "ცენტრალური ფიგურა" უწოდა.

გუშინ, 26 თებერვალს Facebook-ის კიბერუსაფრთხოების დეპარტამენტის ხელმძღვანელმა განაცხადა, რომ რუსეთის უკრაინაში შეჭრის ფონზე კომპანია რუსულ სახელმწიფო მედიაზე რეკლამის გაშვებასა და მონეტიზაციას კრძალავს.

კიევში სირენების ხმა ისმის. რადას პირველმა ვიცე-სპიკერმა ცოტა ხნის წინ დაწერა, რომ დაზვერვის მონაცემებით, "ყველაფერი რაც ფაშისტურ რუსეთშია" კიევში გამოფრინდება. მან მოქალაქეებს ურჩია თავი თავშესაფარს შეაფარონ.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში