ქართული ოცნების თავმჯდომარის, ირაკლი კობახიძის განცხადებით, საზოგადოებას ყოფილ პრემიერმინისტრსა და პარტია საქართველოსთვის ლიდერზე "უაღრესად საინტერესო ინფორმაციას" მიაწვდიან.

"საინტერესო იქნება ძალიან საზოგადოებისთვის, მე მგონია, რომ საზოგადოებამ უნდა იცოდეს სრული სიმართლე დეტალებზე. დღეს, სამწუხაროდ, ვერ ვამბობთ, მაგრამ მინიმუმ იქნება უაღრესად საინტერესო ეს ინფორმაცია", — ამბობს ის.

კითხვაზე, რა პერიოდს ელოდებიან ამისთვის, კობახიძე ამბობს, რომ ეს "შეიძლება თვეები საქმე იყოს", თუმცა "დიდხანს არ გაგრძელდება".

"ჯერ რთულია ამის თქმა, მაგრამ დიდხანს ეს არ გაგრძელდება, გარკვეული უხერხულობა უნდა მოიხსნას და ამის შემდეგ ვიტყვით ყველაფერს ამასთან დაკავშირებით", — თქვა მან.

კობახიძის თქმით, ინფორმაცია, როგორც გახარიას პრემიერმინისტრობის, ასევე, შინაგან საქმეთა მინისტრობისა პერიოდსა და "17-18 თებერვალსაც" შეიძლება შეეხებოდეს. მმართველი პარტიის თავმჯდომარე დასძენს, რომ ეს არა სამართლებრივი პროცესი, არამედ პოლიტიკური განცხადება იქნება.