აშშ-ის სახელმწიფო მდივანმა, ენტონი ბლინკენმა უკრაინის პრეზიდენტს, ვოლოდიმირ ზელენსკის მხარდაჭერა კიდევ ერთხელ დაუდასტურა და უთხრა, რომ "უკრაინაზე უკრაინის გარეშე არაფერი იქნება". ამის შესახებ ბლინკენი საკუთარ Twitter-ზე წერს.

"დღეს უკრაინის პრეზიდენტს წინა კვირას რუსეთთან შეხვედრებზე მივაწოდე ინფორმაცია და ხაზი გავუსვი, რომ უკრაინაზე უკრაინის გარეშე არაფერი იქნება. მე მშვიდობიანი გადაწყვეტის შესახებ უკრაინის ერთგულებას მივესალმები და მოვუწოდებ რუსეთს, მიმართოს დიპლომატიას, როგორც ერთადერთ გზას", — წერს ის.

დღეს კიევში ჩასვლის შემდეგ ბლინკენმა განაცხადა, რომ მცირე დროში სამხედრო ძალების გაზრდა რუსეთის პრეზიდენტს, ვლადიმერ პუტინს უკრაინის წინააღმდეგ აგრესიულად მოქმედების შესაძლებლობას აძლევს.

20 იანვარს ამერიკის შეერთებული შტატების სახელმწიფო მდივანი გაემგზავრება გერმანიაში, ბერლინში, სადაც განიხილავენ რუსეთის უახლეს დიპლომატიურ ჩართულობას და ერთობლივ ძალისხმევას უკრაინის წინააღმდეგ რუსეთის შემდგომი აგრესიის შესაჩერებლად.