საქართველოს პარლამენტის წევრის, სალომე სამადაშვილის განცხადებით, სასამართლოს გადაწყვეტილების საფუძველზე დისკუსიის იმაზე გახსნა, რომ ბადრი ჯაფარიძის მანდატის საკითხი უნდა დადგეს დღის წესრიგში, არის აბსურდი.

"დისკუსიის გახსნა იმაზე, რომ ამ გადაწყვეტილების საფუძველზე ბადრი ჯაფარიძის მანდატის საკითხი უნდა დადგეს დღის წესრიგში, არის აბსურდი. თუ ამ გადაწყვეტილებას მიიღებს ქართული ოცნება, ეს იქნება აშკარად პოლიტიკურად მოტივირებული, თუმცა მე სიმართლე რომ გითხრათ, რომ ეჭვი მეპარება, რომ მსგავს ნაბიჯზე წავიდეს ქართული ოცნება", — განაცხადა მან.

მოსამართლე გიორგი არევაძემ ე.წ. ფულის გათეთრების საქმის განაჩენი გამოაცხადა. მან ბადრი ჯაფარიძესა და მამუკა ხაზარაძეს ბრალდება თაღლითობის მუხლით გადაუკვალიფიცირა და თითოეულს 7 წლით თავისუფლების აღკვეთა მიუსაჯა, თუმცა დანაშაულის ხანდაზმულობის გამო ისინი სასჯელისგან გათავისუფლდნენ. ბრალი გადაუკვალიფიცირდა იგივე საქმეში ბრალდებულ ავთანდილ წერეთელსაც. მას პროკურატურა ფულის გათეთრებაში ამსრულებლობასა და თანამონაწილეობას ედავებოდა, თუმცა ხაზარაძე-ჯაფარიძისთვს ბრალის გადაკვალიფიცირების შემდეგ მოსამართლემ წერეთელი თაღლითობაში ამსრულებლისა და თანამონაწილობისთვის ცნო დამნაშავედ.

საქალაქო სასამართლოს მიერ გამოტანილ განაჩენს გაასაჩივრებენ მამუკა ხაზარაძე, ბადრი ჯაფარიძე და ავთანდილ წერეთელიც. ხაზარაძემ მის მიმართ გამოტანილი განაჩენის შეფასებისას სასამართლოს "ერთი კაცის მართლმსაჯულება" უწოდა.

მოსამართლის გადაწყვეტილებას გაასაჩივრებს პროკურატურაც. უწყების განცხადებით, სასამართლომ ბრალდების მხარის მიერ წარდგენილი მტკიცებულებები "სრულად გაიზიარა", თუმცა "არ დაეთანხმა" ბრალდების მხარის შეფასებას ჩადენილი დანაშაულის სამართლებრივ კვალიფიკაციაში.

ამავე თემაზე: