დეკანოზმა გიორგი მამალაძე, რომელიც ე.წ. ციანიდის საქმეზეა ბრალდებული შიმშილობა შეწყვიტა. ამის შესახებ ინფორმაციას რუსთავი 2 დეკანოზის ადვოკატზე დაყრდნობით ავრცელებს.

რუსთავი 2-ის ინფორმაციით, მამალაძემ შიმშილობა ექიმებისა და ციხის ადმინისტრაციის თხოვნით შეწყვიტა. გარდა ამისა, ადვოკატებმა არხს განუცხადეს, რომ დეკანოზის გადაწყვეტილებაზე გავლენა იქონია იმ ინფორმაციამაც, რომლის მიხედვითაც, მას საპატრიარქოს წარმომადგენლები მოინახულებენ.

5 აპრილს დეკანოზის ადვოკატმა ინფორმაცია გაავრცელა, რომლის მიხედვითაც ბრალდებულმა შიმშილობა დაიწყო. საქართველოს მართლმადიდებლური ეკლესიის საპატრიარქოში დეკანოზ გიორგი მამალაძის შიმშილობის არ სჯეროდათ და ფიქრობდნენ, რომ შესაძლოა, დაკავებულმა მარხვა გააძლიერა.