ზუგდიდის საკრებულოში თავმჯდომარე ისევ ვერ აირჩიეს, სხდომა გადაიდო. საახალწლო უქმეების გამო, მისი ჩატარების სავარაუდო თარიღად 12 იანვარი ჩაინიშნა.

როგორც ზუგდიდის საკრებულოს ფრაქცია ქართული ოცნების თავმჯდომარემ, ირაკლი გოგოხიამ განაცხადა, სხდომას მხოლოდ 21 დეპუტატი ესწრებოდა, კვორუმი კი, მინიმუმ, 23 იყო.

დღეს კვორუმის არარსებობის გამო საკრებულოს სხდომა ჩაიშალა სენაკის საკრებულოშიც. სხდომაზე ქართული ოცნების დეპუტატები და ოპოზიციის ორი წევრი არ მივიდა. საკრებულოს შემდეგი სხდომა სამშაბათს, 28 დეკემბერს გაიმართება.

გუშინ, 23 დეკემბერს, ქართული ოცნების დეპუტატები არ მივიდნენ ოპოზიციის მოწვეულ ბათუმის საკრებულოს რიგგარეშე სხდომაზეც. კვორუმის არარსებობის გამო სხდომა ბათუმშიც ჩაიშალა. საკრებულოს სხდომა კვორუმის არარსებობის გამო ამ დრომდე ვერ შედგა ზუგდიდშიც.

საკრებულოს სხდომას ქართული ოცნების წევრები არ დაესწრნენ ჩხოროწყუშიც, თუმცა კვორუმი შედგა და საკრებულოს თავმჯდომარედ პარტია საქართველოსთვის წევრი შოთა წურწუმია აირჩიეს.