სამყაროში, სადაც ნებისმიერი ბურგერი, პიცა თუ წამალი ეკრანზე რამდენიმე კლიკის გაწვდენაზეა, ძალიან მოუხერხებელი ჩანს ფოტოკომპანიასთან ინტენსიური ურთიერთობა ფოტოების დასაბეჭდვად: დასაწყისისთვის: დარეკვა იმის გასარკვევად "სად გადმოვაგზავნო?", მერე მეორედ დარეკვა "მიიღეთ?", მერე დეკემბერში თბილად გამოწყობა და სადმე მისვლა, რათა სახლში ფოტოებით დაბრუნდე.

რატომ ვერ გადავჭერით ეს პრობლემა აქამდე? რთული სათქმელია, მაგრამ გამოსავლის პოვნა აღარც არის საჭირო. ფოტოების დაბეჭდვა უკვე ელვისის აპიდან შეგიძლიათ.

ელვისმა გადაწყვიტა, აპლიკაციას ახალი, სასარგებლო ფუნქცია / ფუნქციები დაუმატოს, რომლებიც, საჭმელს შეიძლება არც უკავშირდებოდეს. ასე რომ, სასუსნავების გამოძახების გარდა, ამიერიდან ელვისის აპით თქვენთვის მნიშვნელოვანი მომენტების ხელშესახებად ქცევაც შეგიძლიათ.

როგორ მუშაობს ფოტობეჭდვა?

ფოტოების ატვირთვა პირდაპირ ტელეფონის გალერიიდან შეგიძლიათ, სასურველ ზომებში დაბეჭდილ ფოტოებს კი იმავე დღეს მიიღებთ. ფოტოების ხარისხი პროცესში არ იკარგება და თქვენ მიერ მიწოდებული ფაილები უცვლელი ხარისხით გაემართება დასაბეჭდად.

ფოტოების დაბეჭდვის ეს გამარტივებული ფორმა სადმე დარეკვისა და ლოდინის დისკომფორტს სრულიად აღმოფხვრის. თქვენ შეგიძლიათ თბილად მოკალათდეთ დივანზე საყვარელი სერიალით ფონზე, სანამ ფოტოები იბეჭდება და არც ვინმესთან გასაუბრებამ მოგიწიოთ.

ვინ იცის, რამდენით მეტ სურათს დავბეჭდავდით, ეს პროცესი ასეთი შემაწუხებელი რომ არ ყოფილიყო?! რამდენ ფოტოზე გვიფიქრია, რომ ჩვენს ინტერიერს დაამშვენებდა, მერე კი უბრალოდ გადაგვივიწყებია ეს იდეა? დღეიდან შეგიძლიათ არც ერთი ლამაზი სურათი არ დატოვოთ დაბეჭდვის გარეშე.

ამ სასარგებლო მიმართულებას მალე განვითარებაც ექნება: სამომავლოდ ელვისის გუნდი საბუთების ბეჭდვის, აკინძვისა და მიტანის დამატებასაც აპირებს.