29 ნოემბრის ვაჭრობის შედეგად ლარი დოლართან და ევროსთან მიმართებით გამყარდა. ამასთან, დღეს დადგენილი კურსის მიხედვით, ერთი დოლარის ღირებულება 3,0867 ლარი გახდა, რაც აქამდე მოქმედ კურსთან შედარებით 1 თეთრით გამყარებას ნიშნავს. აღსანიშნავია, რომ ლარი დოლართან მიმართებით ამაზე მეტად გამყარებული ბოლოს 27 ივლისს იყო.

რაც შეეხება ევროს, ამ ვალუტასთან მიმართებით ლარი 0,82 თეთრით გამყარდა და ერთი ევრო 3,4849 ლარს გაუტოლდა.

შეგახსენებთ, რომ ლარის კურსის მერყეობის შესამცირებლად, საქართველოს ეროვნულმა ბანკმა მიმდინარე წელს 9 სავალუტო ინტერვენცია განახორციელა და ჯამურად 332,9 მლნ დოლარი გაყიდა. მათ შორის, ბოლო სავალუტო აუქციონი 30 სექტემბერს შედგა, სადაც ეროვნულმა ბანკმა 60 მილიონი დოლარი გაყიდა.

სებ-ის მიერ დღეს დადგენილი გაცვლითი კურსი ხვალ, 30 ნოემბერს შევა ძალაში.