სახელმწიფო უსაფრთხოების სამსახურის ინფორმაციით, გუშინ, 28 ოქტომბერს, რუსეთის საოკუპაციო რეჟიმის მიერ გატაცებული ორი მოქალაქე უკვე თავისუფალია. უწყების ცნობით ისინი ოკუპირებული სოფელ ლოპანის მიმდებარედ უკანონოდ დააკავეს.

"უკანონოდ დაკავებულთა უმოკლეს ვადაში გასათავისუფლებლად, საქართველოს ცენტრალურმა ხელისუფლებამ გამოიყენა მის ხელთ არსებული ყველა შესაძლებლობა. აქტიურდებოდა ევროკავშირის სადამკვირვებლო მისიის მეშვეობით მოქმედი ცხელი ხაზი. პროცესში ჩართულნი იყვნენ საქართველოს საერთაშორისო პარტნიორები და ჟენევის საერთაშორისო დისკუსიების თანათავმჯდომარეები", — აცხადებენ სახელმწიფო უსაფრთხოების სამსახურში.

უწყების თქმით, ისინი განაგრძობენ მუშაობას უკანონოდ დაკავებული სხვა პირების გასათავისუფლებლად.