ევროპის 6 ქვეყანაში მყოფმა თურქეთის მოქალაქეებმა უკვე დაიწყეს ხმის მიცემა რეფერენდუმში, რომელმაც საერთაშორისო დონეზე ვნებათაღელვა გამოიწვია.

ამომრჩევლები წყვეტენ, უნდა გადავიდეს თუ არა თურქეთი საპარლამენტო რესპუბლიკიდან საპრეზიდენტოზე. ცვლილება რეჯეპ ტაიპ ერდოღანის ძალაუფლებას გაზრდის.

თურქეთის თითქმის 3 მილიონი მოქალაქე არჩევანს სამშობლოს საზღვრებს გარეთ აფიქსირებს. მათი ნახევარი ამჟამად გერმანიაში ცხოვრობს.

წინასაარჩევნო პოლიტიკური აქციები ევროპის რამდენიმე ქვეყანამ დაბლოკა. მათ შორის გერმანიამ, რის შემდეგაც ერდოღანმა გერმანიის ოფიციალურ პირები ნაცისტებს შეადარა.

თურქეთის საზღვრებს გარეთ ხმის მიცემის პროცესი 9 აპრილს დასრულდება. ერთ კვირაში, 16 აპრილს, კი თურქეთში მცხოვრები ამომრჩეველი აირჩევს, მიანიჭოს თუ არა პრეზიდენტ ერდოღანს ყველაზე დიდი ძალაუფლება.