საქართველოს ექსპრეზიდენტმა მიხეილ სააკაშვილმა არასამთავრობოებზე დაწერილი სტატუსი, რომლებშიც მათ პუტინისგან დაფინანსების მიღებაში ადანაშაულებდა, ჩაასწორა.

"რა თქმა უნდა, შორს ვარ იმ აზრისგან, რომ კორუფციაში დავადანაშაულო ყველა მაშინდელი არასამთავრობო ორგანიზაცია, მაგრამ ბევრი თავს იწყნარებდა იმით, რომ ფული, ფორმალურად, ამერიკული კერძო წყაროდან მოდიოდა, თუმცა, საბოლოო ჯამში, ეს რუსეთის მიზნებს ემსახურებოდა, ამაზე ახლა მაინც არის ღია დისკუსია და სიმართლის თქმა საჭირო!" - დამატებულია მისი სტატუსის ახალ ვერსიაში, ხოლო ფრაზაში, "ახლა გასაგებია, რატომ გვესხმოდა თავს ყველა არასამთავრობო", ჩამატებულია "თითქმის".