ქუთაისის მერობის კანდიდატი დავით ხახალეიშვილი პირველი ტურის შედეგებით უკმაყოფილოა და მეტის მოლოდინი ჰქონდა. მისი თქმით, პირველ ტურში აიღებდა 50%-ს თუ მმართველი გუნდიდან წასული გიორგი გახარიას ახალი გუნდის კანდიდატის ხმები დაემატებოდა. მისი თქმით, მათემატიკა არ იტყუება.

"სიმართლეს გეტყვით, შედეგები, რაც დადგა ჩემთვის პირადად არ იყო, მოსალოდნელი. ვფიქრობდით, რომ ჩვენს ქალაქში გვექნებოდა მე პირადად ისეთი მხარდაჭერა, რომ შევძლებდი პირველ ტურში დაგვემთავრებინა. თუმცა თუ შევხედავთ და შევაჯამებთ, მათემატიკა არ იტყუება, ვიტყვით, რომ მესამე ძალის, ასე რომ ვთქვათ, ამ შემთხვევაში ვგულისხმობ, გახარიას, რომელმაც, მერობის კანდიდატმა რაც მიიღო პროცენტები, თუ შევაჯამებთ. რა თქმა უნდა, მათი გუნდელები ჩვენიდან გასული მომხრეები არიან, მე თავისუფლად შემეძლო 50%-იანი ბარიერის გადალახვა", — თქვა ხახალეიშვილმა.

ამჟამინდელი მონაცემებით, ქუთაისში დათვლილია ხმების 99,19% და ერთიანი ნაციონალური მოძრაობის კანდიდატი ლიდერობს. ხატია დეკანოიძემ 43,35% მიიღო, ქართული ოცნების კანდიადტმა, იოსებ ხახალეიშვილმა კი 41,49%.

2 ოქტომბერს საქართველოში ადგილობრივი თვითმმართველობის არჩევნები გაიმართა. მოსახლეობა მერებსა და საკრებულოების წევრებს ირჩევდა. თუმცა ამჯერად ეს არ არის მხოლოდ თვითმმართველობის არჩევნები — მიუხედავად იმისა, რომ ქართულმა ოცნებამ შარლ მიშელის შეთანხმება ანულირებულად გამოაცხადა, ოპოზიცია ამ არჩევნებს რეფერენდუმს უწოდებს. სწორედ ამ დოკუმენტის მიხედვით, იმ შემთხვევაში, თუ ქართული ოცნება თვითმმართველობის არჩევნებზე 43%-ზე ნაკლებს აიღებდა, რიგგარეშე არჩევნები უნდა ჩატარებულიყო. ხელისუფლება დღეს აცხადებს, რომ ამ პირობის შესრულებას არ აპირებს.