მარნეულში, სოფელ ყიზილაჯლოში მომხდარი ცემისა და დაპირისპირების ფაქტზე გამოძება ისხლის სამართლის კოდექსის 162-ე პრიმა მუხლის პირველი ნაწილით დაიწყო, რაც კენჭისყრის შენობის მიმდებარე ტერიტორიაზე ძალადობას გულისხმობს.

რამდენიმე საათის წინ, მარნეულის 48-ე უბანზე ერთი ადამიანს სცემეს, რომელიც სასწრაფო დახმარების მანქანით საავადმყოფოში გადაიყვანეს. როგორც ნაციონალური მოძრაობის მარნეულის შტაბის უფროსი, გიორგი მუმლაძე ამბობს, ნაცემი მათი პარტიის აქტივისტია, რომელმაც ერთ-ერთი ამომრჩეველს არ მისცა საშუალება მეორედ შესულიყო საარჩევო უბანზე.

ადგილზე იმყოფებოდა ქართული ოცნების მაჟორიტარი დეპუტატი, ზაურ დარგალი, რომელმაც მუმლაძეს პროვოკატორი უწოდა და ამტკიცებდა, რომ არჩევნები მშვიდ გარემოში მიმდინარეობს.