დიდ ბრიტანეთის ქალაქ ბირმინგემში შეუსრულებელი მისია 7-ის გადასაღებად ჩასულ ტომ კრუზს მანქანა — BMW X7 მოპარეს. მანქანა სასტუმრო Grand Hotel-ის წინ იყო დაპარკინგებული, რომელშიც ამჟამად ტომ კრუზი ცხოვრობს.

მანქანაში მსახიობის ძვირადღირებული პირადი ნივთებიც ეწყო. მანქანა პოლიციელებმა ცოტა ხანში იპოვეს, თუმცა გავრცელებული ინფორმაციის თანახმად, მსახიობის ნივთები მოპარულია.

პოლიციელებმა შემთხვევით ისარგებლეს და ტომ კრუზთან ერთად ფოტოც გადაიღეს, წარწერით "გპირდებით, ეს ფოტოშოპი არაა".

ფოტო: BRITISH TRANSPORT POLICE

დიდ ბრიტანეთში ჩასული ტომ კრუზი მოქალაქეების ყურადღების ცენტრში საკმაოდ ხშირად ხვდება. 1 კვირის წინ ტომ კრუზის ვერტმფრენი უცხო ოჯახის ეზოში დაეშვა, რადგან ადგილობრივი აეროპორტი დაკეტილი იყო. მსახიობმა ოჯახს მადლობის ნიშნად ვერტმფრენით ბავშვების გასეირნებაც შესთავაზა.

ამავე თემაზე: