განათლების მინისტრმა და მესამე ვიცე-პრემიერმა ალექსანდრე ჯეჯელავამ დიანა ტრაპაიძესთან ჩართვისას განაცხადა, რომ ქართული ოცნების წევრი გია ვოლსკისგან პრინციპული წინააღმდეგობები უნახავს.

ჟურნალისტის კითხვაზე, არის თუ არა ვოლსკისთვის მისაღები ის ყველაფერი, რისი ინიციატორიც გიორგი კვირიკაშვილი იქნება, ხოლო მიუღებელი - რასაც პრეზიდენტი იტყვის, ჯეჯელავამ უპასუხა:

"მე ძალიან კარგად ვიცნობ ბატონ ვოლსკის და ძალიან შორს ვარ იმ მოსაზრებისგან, რომ ეს არის ადამიანი, რომლისთვისაც ყველაფერი მისაღებია, რაც რომელი მხრიდან მოდის, მე მინახავს პრინციპული წინააღმდეგობები ბატონი გიას მხრიდან. ვფიქრობ რომ ამ კონკრეტულ შემთხვევაში ეს რაღაც სიტუაციური დაბნეულობა იყო ასე ვთქვათ და არა მისი პრინციპული პოზიცია".

გია ვოლსკიმ მედიაომბუდსმენის შექმნის საჭიროება მხოლოდ მას შემდეგ დაინახა, რაც გაიგო, რომ ინიციატივა პრემიერმინისტრს ეკუთვნოდა.