დღეს უნგრეთის პარლამენტმა მიიღო კანონი, რომლებიც თავშესაფრის მაძიებელი ყველა პირის დაპატიმრებასა და სერბეთში დაბრუნებას ითვალისწინებს. ინფორმაციას The Independent ავრცელებს.

უნგრეთის პრემიერმინისტრის, ვიქტორ ორბანის თქმით, მიგრანტების მის ქვეყანას საფრთხეს უქმნიან და ალყაში აქცევენ, ამიტომ იძულებულია ის დაიცვას.

პრემიერმა ფიცის დადების ცერემონიაზე საზღვრის დამცველებს, რომლებსაც საზღვრის მონადირეებსაც უწოდებენ, განუცხადა, რომ უნგრეთი მხოლოდ საკუთარი თავის დაცვის იმედად უნდა იყოს.

გაეროს ლტოლვილთა უმაღლესმა კომისარიატმა დაგმო უნგრეთის მთავრობის ქმედება და მკაცრად გააკრიტიკა ის. კომისარიატის თქმით, აღნიშნული გადაწყვეტილება არღვევს უნგრეთის მიერ საერთაშორისოდ აღიარებულ ვალდებულებებს, გარდა ამისა, ის საფრთხეს უქმნის ქალებსა და ბავშვებს.