ირანის ახალი პრეზიდენტი ებრაჰიმ რაისი იქნება. როგორც Aljazeera წერს, მან ხმათა უმრავლესობა, 61,95% მოიპოვა. მედიის ცნობით, რაისი ირანის მთავარი მოსამართლეა და მას ულტრაკონსერვატიული შეხედულებები აქვს.

Aljazeera-ს განცხადებით, რაისი პოსტს აგვისტოდან დაიკავებს და ჰასან რუჰანს ჩაანაცვლებს, რომელსაც კონსტიტუციის მიხედვით, ზედიზედ მესამედ კენჭის ყრის უფლება არ ჰქონდა.

"ვულოცავ ხალხს საკუთარ არჩევანს", — განაცხადა რუჰანიმ.

მედიის ცნობით, აშშ-მ მას 2019 წელს სანქციები დაუწესა. კერძოდ, მის სახელს უკავშირდება 1988 წელს პოლიტპატიმრების მასობრივად სიკვდილით დასჯა და 2009 წელს საპროტესტო აქციების დარბევა. BBC-ის ცნობით, ის ერთ-ერთი იმ ოთხ მოსამართლეგანი იყო, რომელიც 5 ათასამდე პატიმრის სიკვდილით დასჯას ზედამხედველობდა.