აშშ-ს ელჩის საქართველოში, კელი დეგნანის განცხადებით, რა თქმა უნდა, იმედგაცრუებულები იყვნენ, რომ ნაციონალურმა მოძრაობამ 19 აპრილის შეთანხმებას ხელი არ მოაწერა. მისი თქმით, იმედოვნებენ, რომ ენმ ხელმოწერას გადაწყვეტს და უზრუნველყოფს იქ მოცემული პუნქტების კანონმდებლობაში ასახვას.

"ჩვენი მოხარულები ვიყავით, რომ ნაციონალური მოძრაობა შედის პარლამენტში. ეს პარტიების პარლამენტში ერთად მუშაობის მნიშვნელოვანი ნიშანია, რასაც ჩვენ მოვუწოდებდით ბოლო 7 თვის განმავლობაში. რა თქმა უნდა, ჩვენ ძალიან იმედგაცრუებულები ვიყავით, რომ ენმ-მ გადაწყვიტა, ხელი არ მოეწერა დოკუმენტზე. ვიმედოვნებთ, რომ ხელის მოწერას გადაწყვეტენ და უზრუნველყოფენ შეთანხმებაში მოცემული პუნქტების კანონმდებლობაში ასახვას და შემდეგ მათ განხროციელებას", — თქვა დეგნანმა.

მისი განცხადებით, ეს ყველაფერი მნიშვნელოვანია, რათა საარჩევნო და სასამართლო სისტემაში რეალური ცვლილებები იყოს სახეზე. დეგნანმა კიდევ ერთხელ გამოთქვა იმედი, რომ ნაციონალური მოძრაობა ხელს მოაწერს დოკუმენტს, შევა პარლამენტში და სხვა პარტიებთან ერთად იმუშავებს.

30 მაისს ნაციონალურმა მოძრაობამ საკანონმდებლო ორგანოში შესვლის გადაწყვეტილება მიიღო. მიუხედავად ამისა, პარტია შარლ მიშელის დოკუმენტს ხელს არ მოაწერს. გადაწყვეტილება პოლიტსაბჭოს შემდეგ გახდა ცნობილი. იმავე დღეს საქართველოში ევროკავშირისა და ამერიკის შეერთებული შტატების საელჩოებმა განცახდება გაავრცელეს, სადაც აღნიშნეს, რომ ნაციონალური მოძრაობის პარლამენტში შესვლის გადაწყვეტილებას მიესალმებიან, მაგრამ წუხან ევროპული საბჭს პრეზიდენტის, შარლ მიშელის დოკუმენტზე ხელის არმოწერის გამო.