ქართული ოცნების დეპუტატის, არჩილ თალაკვაძის განცხადებით, ოპოზიციას, ერთი მხრივ, სურს შეთანხმება, მაგრამ სურს ქართული ოცნების ხარჯზე.

"ამნისტიის კანონპროექტი შემუშავებული იქნა ზუსტად ისე, როგორც ეს მიშელის შეთანხმებაში გახლაბთ მოცემული და მისი სხვადასხვა ინტერპრეტაცია უბრალოდ შეუძლებელია, ეს დოკუმემტში გახლავთ გაწერილი. კერძოდ რა — შევახსენებ საზოგადოებას, რომ 20 ივნისის ამნისტია იყო ოპოზიციადთან ევროკავშირის მიერ შეთანხმებული პირობა და არა ქართული ოცნების მოთხოვნა ან ჩვენი რედაქციით მოცემული პუნქტი. ოპოზიციამ ამას მოაწერა ხელი და შესაბამისად, განსხვავებული ინტერპრეტაციები და თავის მართლება ამასთან დაკავშირებით მიუთითებს პასუხისმგებლობის პრობლემაზე. ოპოზიციას, ერთი მხრივ, სურს შეთანხმება, მაგრამ სურს ქართული ოცნების ხარჯზე", — განაცხადა თალაკვაძემ.

პარლამენტში ამნისტიის შესახებ ორი კანონპროექტია დარეგისტრირებული — ერთი ოპოზიციის და ერთიც მმართველი პარტიის.

20 ივნისთან დაკავშირებულ საქმეებზე ამნისტიის მიღება ევროპული საბჭოს პრეზიდენტის, შარლ მიშელის ინიციატივით შემქნილი დოკუმენტის ერთ-ერთი პუნქტი იყო.