პატრიარქის მდივან-რეფერენტი შორენა თეთრუაშვილი, რომელიც ამჟამად ბერლინშია, საზოგადოებრივ მაუწყებელთან პირველ კომენტარს აკეთებს და ამბობს, რომ მიტროპოლიტ პეტრეს ბრალდებები მას არ ეხება:

"ეს მე არ მეხება, ის სხვა ადამიანზე ლაპარაკობს ეტყობა და ეს მისი პრობლემაა".

რუსთავი 2-ზე, გადაცემა არჩევანში, მიტროპოლიტმა პეტრემ განაცხადა, რომ შორენა თეთრუაშვილს გარე, დამპყრობელი ძალა - რუსეთი მფარველობს.

მისი თქმით, პატრიარქის მოწამვლის საკითხიც თეთრუაშვილს უკავშირდება და მას შეუძლია ცილისმწამებლური კამპანია აწარმოონ.

22 დეკემბერს, სინოდის სხდომის დაწყებამდე, ჭყონდიდის მიტროპოლიტმა მეუფე პეტრემ განაცხადა, რომ საპატრიარქოში არსებული ძირითადი პრობლემა არის შორენა თეთრუაშვილის "განუსაზღვრელი ძალაუფლება" და რომ თეთრუაშვილს ეკლესიაში "რუხი კარდინალის" პოზიცია აქვს.