საქართველოს საკონსტიტუციო სასამართლოს მოსამართლე, მანანა კობახიძე ამბობს, რომ ყოველგვარი წარსული პოლიტიკური კავშირები არის წარსული. ამის შესახებ კობახიძემ საკონსტიტუციო სასამართლოს მოსამართლედ არჩევისა და პარლამენტის წევრის უფლებამოსილების შეწყვეტის შემდეგ განაცხადა.

"ეს არის აბსოლუტურად გათავისებული და გააზრებული ჩემი მხრიდან და რაიმე ტიპის პერსონალური სიმპატიით, თუ წინასწარი განწყობებით ჩემი გადაწყვეტილებები ვერ იქნება ნაკარნახევი," - განაცხადა კობახიძემ, რომლის თქმითაც, გადაწყვეტილებებს კონსტიტუციის ნორმებიდან გამომდინარე მიიღებს.

საქართველოს საკონსტიტუციო სასამართლოს ვაკანტურ თანამდებობაზე საქართველოს პარლამენტმა 101 ხმით უმრავლესობის, ქართული ოცნების წევრი, მანანა კობახიძე აირჩია. პარლამენტმა კობახიძის კანდიდატურას კენჭი რამდენიმე წუთის წინ უყარა. ამავე გადაწყვეტილებით კობახიძეს პარლამენტის წევრის უფლებამოსილება შეუჩერდა.