შინაგან საქმეთა მინისტრობის კანდიდატის, ვახტანგ გომელაურის განცხადებით, ექსპრემიერ გიორგი გახარიასთან კარგი ურთიერთობა ჰქონდა დაა ახლაც ასეთი ურთიერთობა აქვს.

არანაირი დაპირისპირება ჩვენს შორის არ ყოფილა, არც ახლა არ არის, რა თქმა უნდა, ძალიან კარგი ურთიერთობა გვქონდა. აზრთა სხვადასხვაობა გუნდში თუ იყო, ეს არ ნიშნავს დაპირისპირებას, პირიქით, ჯანმრთელია ეს და სწორია, უნდა იყოს რა თქმა უნდა კითხვები და სხვადასხვა აზრი გუნდში", — თქვა მან.

ჟურნალისტების კითხვას, იცოდა თუ არა გახარიას განცხადებამდე იმის შესახებ, რომ პრემიერმინისტრი პოსტს ტოვებდა, გომელაური პასუხობს, რომ "რა თქმა უნდა".

"როგორ წარმოგიდგენიათ, შინაგან საქმეთა მინისტრმა არ იცის განცხადებამდე, პრემიერის გადადგომის თემა? ნორმალური იქნებოდა? ძალიან კარგი ურთიერთობა მაქვს, კიდევ ერთხელ ვიძახი, გახარიასთან მქონდა და ახლაც მაქვს ურთიერთობა, როგორ შეიძლება, ადამიანმა, როცა მეგობრობ, ახლოს ხარ და ურთიერთობა გაქვს, არ გითხრას, რომ უნდა გადავდგე, ელემენტარული პატივისცემაა", — თქვა გომელაურმა.