ამსტერდამის "კოფიშოპები", რომლებიც მარიხუანას ყიდიან უცხოელ მომხმარებლებს ვეღარ მოემსახურებიან. აკრძალვა ორგანიზებულ დანაშაულთან ბრძოლისა და ნარკო ტურიზმის შემცირების გეგმის ნაწილია. სიახლემ მოქალაქეებისა და ბიზნეს მფლობელების შერეული რეაქციები გამოიწვია.

166 ობიექტი, რომელშიც მარიხუანა იყიდება მხოლოდ ნიდერლანდების მცხოვრებთათვის იქნება ხელმისაწვდომი. ინიციატივა, რომელიც დედაქალაქის მერს, ფემკე ჰალსემას ეკუთვნის და პოლიციის და საკანონმდებლო ორგანოს მხარდაჭერითაც სარგებლობს მომავალი წლიდან შევა ძალაში.

ხელისუფლების კვლევამ აჩვენა, რომ უცხოელ ტურისტთა 58% ამსტერდამს ნარკოტიკების მოხმარებისთვის სტუმრობს. კიდევ ერთი კვლევის თანახმად, მხოლოდ ადგილობრივი მომხმარებლების დაკმაყოფილებისთვის საჭირო იმ "კოფიშოპების" რაოდენობა, რომლის რაციონშიც მოსაწევსაც შეხვდებით 70-ზე ნაკლებია.

"ამსტერდამი საერთაშორისო ქალაქია და ტურისტების მოზიდვის სურვილიც გვაქვს, მაგრამ ამის მიზეზი მრავალფეროვნება, სილამაზე და კულტურული ღირსშესანიშნაობები უნდა იყოს" — განაცხადა ქალაქის მერმა და დაამატა, რომ მარიხუანის ბაზარი ზედმეტად დიდია და ორგანიზებულ დანაშაულებებთან აქვს კავშირები.

ჰალსემას თქმით, ქალაქი "ღია, სტუმართმოყვარე და ტოლერანტული" უნდა დარჩეს, თუმცა კრიმინალითან ბრძოლა და მასობრივი, დაბალ-ბიუჯეტიანი ტურიზმის შემცირება აუცილებელია.

ქალაქის მერის თქმით, შეზღუდვების შემოღებას რამდენიმე თვე დასჭირდება, რათა მცირე ბიზნესებმაც შეძლონ გადაწყობა და უფლებამოსილი მომწოდებლებიც განისაზღვროს.

მსგავსი აკრძალვები რამდენიმე ქალაქში უკვე მოქმედებს, რადგან საზღვრისპირა ადგილებს გერმანიის, ბელგიისა და საფრანგეთის უამრავი მოქალაქე ხელმისაწვდომი მოსაწევის გამო სტუმრობდა.

ქუჩის გადამყიდველების გააქტიურების საშიშროების გამო, შეზღუდვა კაფეებზე არ გავრცელდება, აიკრძალება ქალაქის გარკვეულ ნაწილებში მოწევა და კოფიშოპებს აეკრძალებათ მარიხუანის გაყიდვა. ამსტერდამის მცხოვრებთა რაოდენობა 850 ათასია, წლიური ვიზიტორების რაოდენობა — 20 მილიონი, არსებული პროგნოზების მიხედვით, ეს მაჩვენებელი 2025 წლისთვის 29 მილიონამდე გაიზრდება.

ადგილობრივი ბიზნესები გადაწყვეტილებას ეთანხმებიან, მათი აზრით, ყავის მაღაზიები "დაბალ-ბიუჯეტური ტურიზმის" მთავარი მიზეზია. "ქალაქს აუცილებლად ფულიანი ხალხი კი არ სურს, ჩვენ ვამბობთ, გვესტუმრეთ მუზეუმების, საკვების, სიყვარულის, მეგობრობის გამო და არა მოსაწევისა და ნარკოტიკებისთვის", — განაცხადა ერთ-ერთი ბიზნეს ასოციაციის ხელმძღვანელმა, რობერტ ოვერმეერმა.

ინიციატივის მოწინააღმდეგეთა აზრით, შეზღუდვები ქუჩის ვაჭრობის გააქტიურებას გამოიწვევს.