ავღანეთში ჟურნალისტი ღურუს ცენტრალურ პროვინციაში, მანქანაზე უეცარი თავდასხმის შედეგად მოკლეს. აღნიშნულ ინფორმაციას Reuters ავრცელებს.

ორი თვის განმავლობაში ეს უკვე ჟურნალისტის მკვლელობის მეხუთე შემთხვევაა. არც ერთ სამხედრო დაჯგუფებას მკვლელობაზე პასუხისმგებლობა ჯერ არ აუღია.

მიუხედავად იმისა, რომ თალიბანსა და ავღანეთის მთავრობას შორის სამშვიდობო მოლაპარაკებები გრძელდება, მსგავსი ძალადობრივი თავდასხმები ჟურნალისტებსა და სამოქალაქო პირებზე უფრო გახშირდა. თალიბანის წარმომადგენლები ამ მკვლელობებთან კავშირის ქონას უარყოფენ.

საერთაშორისო უფლებადამცველი ორგანიზაციის რეპორტიორები საზღვრების გარეშე ცნობით, 2020 წელს 50 ჟურნალისტი, პროფესიული საქმიანობის გამო, მოკლეს.