საოკუპაციო რეჟიმის მიერ უკანონოდ დაკავებული მირიან თაზიაშვილი გაათავისუფლეს. ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრობის კანდიდატმა, თეა ახვლედიანმა განაცხადა.

"ეს იყო საქართველოს შესაბამისი უწყებების ერთობლივი ძალისხმევის შედეგი", — განაცხადა ახვლედიანმა.

მირიან თაზიაშვილი სოფელ ზარდიანთკარიდან 20 ნოემბერს გაიტაცეს. 3 დეკემბერს მას საოკუპაციო რეჟიმმა ორთვიანი პატიმრობა შეუფარდა. სახელმწიფო უსაფრთხოების სამსახურში აცხადებენ, რომ მირიან თაზიაშვილი უკვე საქართველოს მიერ კონტროლირებად ტერიტორიაზე იმყოფება.