საქართველოს მეოთხე პრეზიდენტის გიორგი მარგველაშვილის თქმით, ქართული ოცნება კიდევ 4 წლის განმავლობაში ვერ შეინარჩუნებს პარლამენტში არსებულ "საბჭოთა კავშირს". ამის შესახებ მან TV პირველის ეთერში ისაუბრა.

"მე თარიღებს ვერ გეტყვით, მაგრამ, ქართულმა ოცნებამ 11-ში დაგვაბრუნა საბჭოთა კავშირში, მაგრამ ამას 4 წლით ვერ დააბრუნებს. ესეთ გამოთქმა არის, შეგიძლია ადამიანები მოატყუო ცოტახნით, მაგრამ ვერასდროს მოატყუებ ბევრ ადამიანს დიდხანს", — ამბობს მარგველაშვილი.

11 დეკემბერს პარლამენტში მე-10 მოწვევის სხდომა გაიმართა, რომელშიც მხოლოდ ქართული ოცნება იღებდა მონაწილეობას. სხდომაზე, ასევე, მიწვეულები იყვნენ პრეზიდენტი, პატრიარქი და დიპლომატები. პატრიარქის ნაცვლად, სხდომას მისი მოსაყდრე, შიო მუჯირი ესწრებოდა.

სხდომის პარალელურად, მოსწავლე ახალგაზრდობის სასახლის ეზოში შეკრებილმა ოპოზიციის ნაწილმა მანდატებზე უარი თქვეს და ხელი მოაწერეს საერთო მემორანდუმს ბოიკოტის შესახებ.