ქართული ოცნების ლიდერის ირაკლი კობახიძის თქმით, ყველა ნიძლავი წააგო ოპოზიციამ, ასევე, აღნიშნა, რომ ჯობია უგულავამ "გაპარსული" ბიუჯეტი დაუბრუნოს ხალხს.

"ყველა ნიძლავს აგებენ ისინი და მე რა უნდა გავაკეთო? თბილისის გაპარსული ბიუჯეტი დააბრუნოს უგულავამ. არ იქნება ერთპარტიული პარლამენტი", — განაცხადა ირაკლი კობახიძემ.

დღეს ევროპული საქართველოს ლიდერმა გიგი უგულავამ, სოციალურ ქსელში დაწერა, სადაც ამბობს, რომ ნიძლავი მოიგო.

"ასე უხმაუროდ და აპლოდისმენტების გარეშე მოვიგე ნიძლავი. მე თავზე თმა შემრჩა, ხოლო კობახიძე "გაფუფლოვდა", — წერს უგულავა.

ევროპული საქართველოს ერთ-ერთი ლიდერმა, გიგი უგულავამ ქართული ოცნების აღმასრულებელ მდივანს, ირაკლი კობახიძეს "ნიძლავი" შესთავაზა.

"მეც მაქვს თმა შესაჭრელი და კობახიძეს სულ შესაჭრელი აქვს. მოდი დავდოთ თუ გინდა საჯარო ნიძლავი, ხვალ თუ მიიღებს მაგ ნიძლავს, 11-ში თუ იქნებიან მარტო, გადაიპარსოს თავი, თუ არა და მე გადავიპარსავ. აწყობს კობახიძეს?", — განაცხადა გიგი უგულავამ.

ცოტახანში კობახიძე უგულავას ნიძლავს გამოეხმაურა და უპასუხა "უგულავას ურჩევნია თავისი გაპარსული თბილისის ბიუჯეტი მოსახლეობას დაუბრუნოს", — ამბობს კობახიძე.

დღე მეათე მოწვევის პარლამენტის პირველი სხდომა იმართება. პარალელურად ბარიერგადალახული ოპოზიციური პარტიები მოსწავლე ახალგაზრდობის სასახლის ბაღში შეიკრიბნენ და საპარალამენტო მანდატებზე უარის თქმასთან დაკავშირებით განცხადებას ხელი მოაწერეს.

საპარლამენტო მანდატებზე უარის თქმა გადაწყვიტეს პარტია მოქალაქეებისა და პარტია რესპუბლიკელების წევრებმა. მათი თქმით, ჯერ მოლაპარაკების პროცესის დასრულებას დაელოდებიან.