ქართული ოცნების წევრმა, მამუკა მდინარაძემ პანდემიის დროს ჯანდაცვის მინისტრზე თავდასხმა საომარი სიტუაციის დროს თავდაცვის მინისტრზე თავდასხმას შეადარა. ამის შესახებ მან პარტიის ოფისში გამართულ ბრიფინგზე ისაუბრა.

"კრიტიკა ყოველთვის ბუნებრივი და მისაღება, თუმცა ამ სიტუაცია, ჩემი პირადი სუბიექტური აზრია, რომ ჯანდაცვის სისტემაზე, მის პირველ პირზე თავდასხმა, რიგ შემთხვევებში გამოგონილი ამბებით, არის იგივე, რაც საომარი სიტუაციისა და მდგომარეობის დროს თავდაცვის მინისტრს დაესხა თავს და მიზანმიმართული კამპანია გააჩაღო", — განაცხადა მდინარაძემ.

მისი თქმით, კრიტიკა მისაღებია, თუმცა "კამპანიის გაჩაღება" ძალაუნებურად ვირუსის მხარეს დგომას ნიშნავს.